Nga themelimi në vitin 1991 deri në rolin e sotëm si ndërmarrje publike të Komunës së Prishtinës — një udhëtim i përkushtuar shërbimit sportiv dhe rekreativ të kryeqytetit.
23.12.1991
Kompania Publike Komunale "Sport Marketing" sh.a, Prishtinë është themeluar me vendimin e Pleqësisë së Fondit të Kulturës Fizike dhe Sportit të Komunës së Prishtinës, nr. 499, me regjistrim në Gjykatën Ekonomike nën nr. FI-2642/2091.
UNMIK
Pas luftës, NPK "Sportmarketing" u regjistrua në administratën e UNMIK-ut me numrin 80283741, duke vazhduar misionin e saj publik në një kontekst të ri institucional.
Ligji 03/L-087
Sipas Ligjit për ndërmarrjet publike, ndërmarrja ka statusin e Shoqërisë Aksionare me 100% aksione të Komunës së Prishtinës dhe i përgjigjet drejtpërdrejt Komunës si aksionar i vetëm.
Sot
NPL "Sport Marketing" sh.a. menaxhon, shfrytëzon, mirëmban dhe ndërton objekte sportive-rekreative. Selia ndodhet në Pallatin e Rinisë dhe Sporteve "Adem Jashari" në Prishtinë.
Selia e ndërmarrjes — Pallati i Rinisë dhe Sporteve "Adem Jashari", Prishtinë
NPL "Sport Marketing" është ndërmarrje publike dhe mision i saj është zhvillimi dhe ofrimi i shërbimeve, siç janë aktivitetet sportive, kulturore, komerciale të mirëfillta me fokus në qytetarin, të rinjtë dhe të rejat e kryeqytetit tonë. Ne jemi ndërmarrja publike e vetme, kujdestare për zhvillimin dhe përkrahjen e ideve dhe projekteve për qytetin tonë dhe më gjerë!
Forca e cila bashkon dhe aktivizon komunitetin tonë.
Kujdesi ndaj mjedisit dhe aseteve tona të gjelbra.
Thelbi i identitetit tonë shoqëror dhe trashëgimisë.
Krijimi i imazhit të një kryeqyteti modern.
Është themeluar me vendimin e Pleqësisë së Fondit të Kulturës Fizike dhe Sportit të Komunës së Prishtinës, nr. 499 të datës: 23.12.1991, viti i regjistrimit në regjistrin e Gjyqit Ekonomik të Prishtinës nën nr FI-2642/2091.
Katër shtyllat që e karakterizojnë veprimtarinë e ndërmarrjes janë: sporti, natyra, kultura dhe marketingu.
Asetet kryesore që menaxhohen ose mbikëqyren përfshijnë pika rekreative si Parku i Gërmisë, organizime publike si 'Akull n'Verë' si dhe infrastrukturë tjetër sportive e hortikulturore në kryeqytet.